في البداية في هذا المقال راح اتكلم بشكل سطحي للغاية حتى تصل الفكرة لك، لأنني لاحظت ان الشرح الأكاديمي اصبح غير مرغوب وممل للغاية في هذه المقالة التي ستوضح لك ما شاهدته حتى الان، في كيف يعمل اصحاب المنشآت بكل حياديه ولن اجمل اي شيء نهائياً لك، حتى تراه على حقيقته.

تأسيس شركة شخص واحد او ذات مسؤولية محدودة

في البداية راح تجلس انت وشركائك على القهوه وراح تتناقشون كيف تأسسون شركة سوا،تتفقون واحد منك انه يبادر ويدخل المركز السعودي للأعمال ويفتح السجل التجاري وبالنيابة عنكم طبعاً خويكم يقرر انه يقسم الشركة إلى 33.33% لكل شخص وتتواصلون عن طريق جروب واتس آب بينكم لا تراجعون النشاطات ولا تعرفون الصفحات إلى مر فيها وعبى البيانات من اجل انه يسوي عقد التأسيس، ولا وشيء خويكم قرر يسوي تحديد الكل لكل النشاطات إلى ما تتطلب اي ترخيص خارجي وحدد النسب وحط كل واحد منك مدير على الشركة وكمل كل الخيارات حتى وصل إلى النهاية وارسل الطلب وصلتكم الرسائل من المنصة ودخلتوا بهويتكم وراجعتوا على السريع ووافقتوا والكل يقول الحمد لله فتحنا شركه ولا يبقى احد إلى ويعرف عن هذه الشركة.

طبعاً كل ما سبق حدث وامامي وكنت مطلع على شركات تأسست بهذه الطريقه (لا دراسة جدوى، بدون معرفة للرسوم الحكومية، بدون اي شيء فقط سجل وعقد تأسيس لا غير)، والكل مبسوط.

بداية العملية التجارية

شركتكم تعمل في مجال تقنية المعلومات طبعاً اول صدمة في الجدار تبغون تفتحون حساب تجاري تكتشفون انه لازم كل فرد منكم لازم يحضر البنك ويوقع على عقد فتح الحساب في البنك، تبدء عملية توقيع العقود لتوريد كاميرات او معدات تقنية تكتشفون انه لازم كل مؤسس لازم يوقع على العقد لانه كل شخص مدير، تقولون ليش لازم نوقع كلنا والسبب ان عقد التأسيس ينص على ذلك تدورون لكم على معقب يراجع المعاملة لانكم ما تعرفون الجهه (ولو انه بحث في جوجل كان راح يجب النتجية) المعقب جاب لكم الحل عدلوا عقد التأسيس وخلو واحد مدير وواحد رئيس مجلس إدارة والثاني عضو مجلس إدارة (وهنا يبدأ اول خلاف إلي كان المفترض يحدث وقت جلسه القهوه) الكل يبغى يكون المدير العام او يبغى يكون رئيس مجلس الإدارة.

تقررون تحتارون مقر تجاري

لازم يكون واضح للناس (ليش لانه الناس كذا تقول ما ندري ليش) المقر لازم يكون في أغلى منطقة ليش علشان نكون واجهه للناس (طيب الناس  كيف تعرف مكتبكم ما فيه جواب) فقط المهم نركب اكبر لوحه الكل يعرف وش عندنا

صدمة التراخيص الخفية

وزارة الشؤون البلدية والقروية لديها من القوانين الكثير، واي قرار تتخذه في هذا الشأن لازم يكون واعي ومحكم تركيب لوحه بحجم كبير يعني مبلغ كبير مواصفات اللوحة يجب ان تضاف التراخيص كثيره للغاية لمجرد اللوحة فتقررون تختارون مكتب صغير داخل مبنى مكاتب بإيجار فلكي 90% من الميزانية راحت فيه.

تبدء عملية التوظف

توظفون بناءً على المهارات في كلامكم لكن الشكل وكيف يتكلم الشخص هو معياركم، تكتشفون ان فيه جنسيات كلامها معسول رائع وتوظفون منها، وتتفاجئون بعد فترة فيه مبيعات لكن ما تعرفون كيف! فجأه تفتيش من وزارة الموارد البشرية وين عقود الموظفين كل الموظفين لديكم بدون عقود، نطاقكم احمر،كذلك لديكم موظفين يعملون لكن إقامتهم على شركة اخرى، لديكم موظفين يعلمون لدى الغير لكن إقامتهم عليكم، عندكم كم إتفاق اخر من تحت الطاولة مع اكثر من شخص إلي يبغى يكون شريك بالإسم وإلي يبغى يكون شريك بالنسبة والاخر بالمهمه وكلهم يعلمون في وظائف حكومية (منجم من الغباء في إدارة الشركة) تعطيكم الموارد البشرية مخالفة وتطلب تصحيح الوضع. ولكن ما همكم.

خروج اول الموظفين

يخرج في العادة الموظفين الأكثر كفاءة هذه قاعدة لدى الكثير لكن ليست كل شيء (فقد يخرج اكثر شخص مجتهد وليس اكثر كفاءة الفرق الجوده المجتهد يبذل جهده وقت وساعات ويتعلم من النت وغيره وينفذ المهمه 80% لكن مستحيل يكملها 100% لانه ما يعرف كيف يكملها 100% الكفاءة هو شخص يعرف كيف يكمل المهمه 100% ولديه تقدير لجهده ووقته ويعرف ان سمعته على المحك دائماً والكفاءة يقدر يشتغل بدون توجيه عطه الهدف وهو يخلصه بخبرته مو جهده فقط) هنا تبدء الإنذارات لديكم الموظف بكره بيخرج وما اشعرنا إلى امس تضغطون عليه بإن مستحقاته ما راح ياخذها وانه ما يكان يداوم صح وهنا اول جلده قضيه من العيار الثقيل عليكم من الموظف وتبدأون نحن سوينا ونحن عملنا وغيرها فجأه يكسب القضيه زي السلام عليكم ليش (ما عندكم متابعة واضحه للمهام، ما عندكم متابعة واضحه للحضور والإنصراف، لديكم موارد بشريه يعمل كمخلص إجراءات حكومية فقط) والمصائب لا تأتي فرادا قضيه جديدة من عميل نفذتو له تركيب كاميرات لكن تبين بأنها غير مطابقة للمواصفات ورفضتو ترجعونها له بحكم انه عدا الوقت ويكسب القضيه (ما فيه اي سياسات نهائياً لا سياسة إسترجاع واستبدال ولا عقد ولا حتى عرض سعر معتمد من العميل فيه على الاقل شروط ولا شيء فقط فاتورة ضريبه سمعتو عنها كثير فقط).

ممكن استمر اكثر واكثر وصراحة الوضع اسوء بكثير شركات تدار بعقلية طفوليه صاحب شركة سوا شيء لازم اسوي مثله، فلان عطاني رأي واعجبني اسويه، موظف ما عجبني افصله (هكذا تؤسس شركة فاشلة) اكتب رأيك في التعليقات